Ақтөбе облыстық мамандандырылған физика-математикалық лицей-интернатының 10 "Б" сыныбында 2024 жылдың 19 қаңтар күні «Бала тәрбиесі - отбасы мен мектептің ажырамас бөлшегі» тақырыбында ата-аналар жиналысы өтті.
Ата-аналар жиналысының күн тәртібінде төмендегідей мәселелер қозғалды:
1. ІІ оқу тоқсаны бойынша сыныптың оқу үлгерімі, тәртібі бойынша сынып тәрбиешісі Р.Туреханова ақпарат берді.
2. Жасөспірімдер арасындағы құқықбұзушылықтың алдын алу бойынша Ақтөбе қаласы Полиция Басқармасы Жергілікті полиция бөлімі Ювенальдық полиция бөлімшесінің инспекторы полиция аға лейтенанты Маликова Гульдана Руслановна мен Ақтөбе қаласы ПБ Астана ауданы # 2 ҚПБ КПБ аға жедел уәкілі полиция капитаны Жасұлан Абатұлы Сабыртай ата-аналарға ақпарат беріп, түсіндіру жұмыстарын жүргізді.
3. Ата-аналарды педагогикалық қолдау орталығы бойынша ағарту жұмысы бойынша «Даналық мектебі» клубына мүшесі Сарсенбаева Алтынгул Айткалиевна «Құмарлыққа бой алдыру-тәуелділік құрдымы» тақырыбында баяндама жасады.

Ағымдағы жылдың 17 қаңтар күні лицей-интернаттың кәмелет жасқа толмағандар істері  жөніндегі инспекторы, полиция лейтенанты Бисенов Мадияр Байқадамұлы мен №2 Сазды полиция бөлімшесінің инспекторы, полиция капитаны Мухамбетказина Аймереке Нурмуханқызы 6-11 сынып оқушыларымен кездесіп, оларға құқықбұзушылықтың алдын алу бойынша ағарту жұмысын жүргізді. Ағарту жұмысы кезінде оқушыларға түнгі мезгілде көшеде белгіленген уақыттан кейін жүрмеу, зиянды заттардан аулақ болу, әлімжеттік, бопсалау жасамау, үшкір және кескіш қаруларды өздерімен бірге алып жүрмеу, сабақтан себепсіз қалмау тақырыптары бойынша түсіндіріліп, кеңестер берілді.

Ақтөбе облыстық мамандандырылған физика-матемтаикалық лицей-интернатында 2024 жылдың 17 қаңтар күні құқықбұзушылықтың алдын алу кеңесінің отырысы өтті.
Құқық кеңесінің күн тәртібінде:
1. Кәмелетке толмағандар арасындағы құқықбұзушылық және балалар арасындағы қылмыстың, әлімжеттік пен бопсалаудың алдын алу бойынша профилактикалық жұмыстар туралы лицей инспекторы Бисенов Мадияр Байқадамұлы баяндама жасады.
2. Құқықбұзушылықтың алдын алу бағытында І жарты жылдық бойынша атқарылған жұмыстар туралы директордың тәрбие ісі жөніндегі орынбасары Есенғұл Сәтбек Аманбайұлы есеп берді.
3. Әлеуметтік бейімделмеген оқушыларды үйірмелерге, спорттық секцияларға, қосымша білім алуға жұмылдыру бойынша әлеуметтік педагог Имангалиева Гулнар Жонысовна ақпарат берді.
4. «Тәуекел» тобына жататын оқушылармен жасалған жұмыстар бойынша лицей психологы Истигулова Мейрамгуль Кантарбаевнаның есебі тыңдалды.
5. Оқушылардың бос уақыттарын ұйымдастыруда сынып тәрбиешілерінің жүргізген жұмыстары туралы «Педагогика-психология» бірлестігінің жетекшісі Айетова Балжан Зулкашевна баяндама жасады.
Сонымен қатар құқық кеңесінің отырысына Ақтөбе қаласы №2 Сазды полиция бөлімшесінің инспекторы, полиция капитаны Мухамбетказина Аймереке Нурмаханқызы қатысты.

2024 жылдың 6 қаңтар күні Ақтөбе облыстық мамандандырылған физика-математикалық лицей-интернатының 8-сынып ата-анасы "Даналық мектебі" клубының мүшесі Даутова Амангүл Табылдиевнаның ұйымдастыруымен “Балаға үйрету: ақылыңды мейірімге орап бер” тақырбындағы ата-аналарды қолдау орталығының N3 отырысы өтті, отырыс барысында ата-аналармен қызықты ойындар, тренингтер өткізді.