30 қараша күні лицей-интернат парламенті "The best couple of FM" сайысында анықталған 2023 жылдың ханзадасы мен ханшайымына арналған "DISCO PARTY" би кешін ұйымдастырды. Кешті "Мәдениет" фракциясының көшбасшылары Закенаев Амиржан, Нургалиева Дина, Саламатова Мерей жүргізді. Кеш барысында көңілді ойындар ойнатылып, ойын жеңімпаздарына тәттілер таратылды. Лицей Президенті Қойшыбаев Әбдірахман кеш қатысушыларына құттықтау сөзін арнап, қуыршақ бейнесін үздік сомдаған қыздарды марапаттады.

Бүгін Ақтөбе облыстық мамандандырылған физика-математикалық лицей-интернатының оқушылары Ақтөбе қаласындағы Дінмұхамед Қонаев атындағы жалпы білім беретін мектеп-гимназиясының оқушыларымен волейболдан жолдастық кездесу өткізді.
🏐Жолдастық кездесудің мақсаты – қала мен облыс мектептері оқушылары арасындағы қарым-қатынасты күшейтіп, әр жеке тұлғаның өздеріне деген сенімділіктерін арттыру.
🏐Лицей-интернатымыздың 8 сынып оқушылары мен Д.Қонаев мектеп-гимназиясының 8 "Б" сынып оқушылары арасындағы волейбол ойыны тартысты өтті.
🏐Жолдастық кездесуге келген оқушыларға және ұсыныс білдіріп, волейбол ойының өткізуге ықпал жасаған олардың сынып жетекшісі Бауыржан Талғатұлына алғысымызды білдіреміз!
🏐Болашақта осы кездесу дәстүрге айналып, бірнеше команда қатысатын үлкен жарысқа айналуына тілектеспіз!
🏐Жатақхана тәрбиеленушілерінің сабақтан тыс демалыс уақыттарын тиімді пайдалануға және оларға жаңа достар табуға септігі молынан тиетін осындай шараны ұйымдастыруға үлес қосқаны үшін 8 сынып тәрбиешісі Кушикбаева Айсұлу Куандыковнаға алғыс білдіреміз!
🏐Сонымен қатар қонақтарға лицей-интернатымызды жақынырақ танысу үшін шағын саяхат ұйымдастырылды.

2023 жылдың 23 қараша күні Ақтөбе облыстық мамандандырылған физика-математикалық лицей-интернатында "The best couple of FM" "Физ-маттың ең үздік ханзадасы мен ханшайымы" атты фестивалі 6-10 сынып оқушыларына ұйымдастырылды.

Мақсаты: жастардың рухын көтеріп, эстетикалық талғамын арттырып, өнерге, еңбекке тәрбиелеу.

Фестиваль кезеңдері:
1."Биле, биле"
2."Өнерлі өрге жүзер"
3."Сұлулықтың сыры"

Білім алушыларды рухани-адамгершілік, эстетикалық, патриоттық бағытта тәрбиелеу, мәдени құндылықтарды сақтау және ұлттық ойындарды дәріптеу мақсатында Ақтөбе облыстық мамандандырылған физика-математикалық лицей-интернатында «Төрт тоқсан, төрт өнер» жобасы аясында 2023 жылдың 17 қараша күні «Бабалар салған ізімен» атты республикалық ұлттық ойындар челленджі ұйымдастырылды. Челленджде «Бес табан», «’Бес асық’ ойындары ойнатылды.