Ақтөбе облыстық мамандандырылған физика-математикалық лицей-интернатында Ақтөбе облыстық әдістемелік орталығының жоспары негізінде 2023 жылдың қараша айының 13 жұлдызында 8-10 класс қыз балаларымен қыз балаларға келешекте ана алдында қоғамның, елдің, ұлттың тыныш-тіршілігі барысындағы үлкен жауапкершіліктің тұрғандығын сезіндіріп, адамгершілік, адалдық, іс-қимыл, жүріс-тұрыс дағдысы, қыз намысы, сымбаты туралы жан-жақты мағлұмат беру арқылы қыз балалардың бойына рухани-адамгершілік, әдептілік, сыпайылық, тиянақтылық, имандылық, тазалық қасиеттерін дамыту мақсаттарында «Алтын алқа» иегері, ҚР Құрметті азаматы, «Мерейлі отбасы» байқауының гран- при иегері, Бауыржан Момышұлы атындағы «Батыр шапағаты» медалінің иегері, Қазақстанның «Ең үздік әйел» орденінің иегері, Жоғары сот төсбелігісінің иегері, «ҚР еңбек сіңірген қызметкері және ҚР мәртебелі маманы атағын» Елбасы марапаттаған, «Бақытты отбасы» орталығының медиаторы Әбділдаева Бибігүл Әбдішүкірқызымен "Қызым, сен тыңда!" тақырыбында дөңгелек үстел 100 сұрақ форматында өтті.
✅Дөңгелек үстелді лицей-интернатымыздың директоры Тлеумагамбетова Каракоз Енсегеновна ашып, қадірменді, батыр ана Бибігүл Әбдішүкірқызы лицей-интернаттың қыз балаларының көкейкесті сұрақтарына жауап беріп, өмірлік кеңестерін, ақ батасын берді.
✅ Дөңгелек үстел әлеуметтік педагог Имангалиева Гулнар Жонысовна және психолог Истигулова Мейрамгул Кантарбаевнаның ұйымдастырумен қыз бала психологиясын тереңірек ұғындыра отырып, «Қазақ қызының моделін» құрастыруымен жалғасын тапты.
✅«Сырғалым» қыздар клубының жетекшісі Нугманова Кенжеш Курметовна «Қыз өссе- елдің көркі» рефлексиясымен дөңгелек үстелді қорытындылады.
✅ Лицей-интернат қыз балалары дөңгелек үстелде түйіндеген ойларын ашық жеткізіп, Бибігүл Әбдішүкірқызына ризашылықтарын білдірді.
Дөңгелек үстел соңы ақын Ақұштап Бақтыгерееваның "Өмірде қыз болу бар да, нағыз қазақ қызы болу мүлдем бөлек" деген дана ойымен ұштасты.