Ақтөбе облыстық білім басқармасының 16 желтоқсан – Қазақстан Республикасының Тәуелсіздік күніне орай Қазақстан Тәуелсіздігінің құндылықтарын насихаттау бойынша әзірлеген іс-шаралар жоспарын орындау мақсатында Ақтөбе облыстық мамандандырылған физика-математикалық лицей-интернаты 12 желтоқсан күні С.Бәйішев атындағы Ақтөбе облыстық әмбебеп ғылыми кітапханасында «Тәуелсіздік – тынысың, бүгінгі дәулетің, ертеңгі ырысың» тақырыбында танымдық конференциясын өткізді.
       Конференцияға «Желтоқсан алауы» қоғамдық бірлестігінен арнайы қонақтар шақырылды. Конференцияға қатысқан «Желтоқсан алауы» қоғамдық бірлестігінің мүшесі, облыстық маслихат депутаты, желтоқсан оқиғасының куәгері Бақытхан Құрманқызы «Желтоқсан тұр басында азаттық деген ұғымның!» тақырыбында баяндама жасады. Танымдық конференцияға қатысушылар кітапхана қызметкерлерінің ұйымдастырған кітап көрмесін тамашалады. Сонымен бірге физика-математикалық лицей-интернатының ұстаздар мен оқушылары дайындаған «Тәуелсіздікке тарту» тақырыбындағы шараның куәгері болды.
      Конференцияға қатысушы оқушылар «Жаңа Қазақстанның тірегі – жалынды жастар» ұранымен шарадан алған әсерлерімен бөлісіп, пікірлерін ортаға салды, қонақтармен естелік фотоға түсті.

Қазақстан Республикасының Тәуелсіздік күніне орай Қазақстан Тәуелсіздігінің құндылықтарын насихаттау бойынша әзірленген іс-шаралар жоспарына сәйкес «Тәуелсіздік-ұлт рухының бастауы» тақырыбында «Ақтөбе Медиа» орталығына барып «Ақтөбе» газетінің бас редакторы Сәтжан Дәрібай мырзаның қатысуымен дөңгелек үстел өткізді.
Сонымен қатар «Ақтөбе Медиа» орталығының мұражайына экскурсия жасап, орталық қызметкерлерінің жұмысымен танысты

2022 жылдың 13 желтоқсан күні «Құқықбұзушылықтың алдын алу» тақырыбында лицей-интернаттың кəмелет жасқа толмағандар жөніндегі​ инспекторы, полиция аға лейтенанты
Ш.Сапарова оқушылардың ұялы телефондарын пайдаланудағы сақтық шаралары туралы түсіндіру жұмыстарын жүргізді.
​ ​ ​ ​ ​ ​ ​ ​ ​ Мақсаты: балалар мен жасөспірімдер арасындағы қылмыстың өсуіне жол бермеу.
​ ​ ​ ​ ​ ​ ​ ​ ​ Дәріс барысында ұялы телефондарын көпшілік ортада, қоғамдық көлікте, бөгде адамдардың жанында қалай қолдану керектігі және сақтық шаралары туралы айтылды.
​ ​ ​ ​ ​ ​ ​ ​ Жасөспірімдердің түнгі беймезгіл уақытта өз бетінше үлкендердің еріп жүруінсіз көшеде жүрмеуін, түнгі ойын клубтарында баруға тыйым салынатындығы туралы да ескертіп өтті.
​ ​ ​ ​ ​ ​ ​ Сонымен қатар дәрісте бопсалау-балаға зорлық не тән жарақатын салу қаупін қосқанда, қысым жасау не мәжбүрлеу арқылы заңсыз ақша мен мүлік талап ету және алу түрінде көрінетін қылмыс екенін айтты.