Мектеп оқушылары және дебат клуб жетекшілері арасында дебаттық қозғалысты дамыту, қолдау және насихаттау мақсатында Ақтөбе облыстық ғылыми-тәжірибелік орталығының ұйымдастыруымен "Ұстаздан шәкірт озар!" атты облыстық дебат турниріне 8 "Б" класс оқушысы Аманғазы Балнұр мен "FМ" дебат клубының жетекшісі Михас Арухан қатысты. Турнирдің "Үздік спикері" номинациясын жеңіп алған Михас Аруханды құттықтаймыз!

⚜️⚜️⚜️⚜️⚜️⚜️⚜️⚜️⚜️⚜️⚜️
"Аттандық бала шақтан - болашаққа!" атты мектеп бітіруші түлектердің онкүндігі аясында ұйымдастырушы педагог Г.Имангалиева мен 10 класс оқушыларының ұйымдастыруымен
"Жұлдызды кеш" тақырыбында би кеші өтті. Би кешіне 6-11 кластың оқушылары қатысты

⭐Ақтөбе облыстық білім басқармасының жалпы білім беретін мектептерде алғашқы әскери дайындық пәнінің бағдарламасына сәйкес 2021-2022 оқу жылында оқу-далалық жиындарын өткізу туралы ұсыныс хатын негізге ала отырып Ақтөбе облыстық мамандандырылған физика-математикалық мектеп-интернатының 10 класс оқушылары үшін мамыр айының 16-20 күндері оқу-далалық жиыны ұйымдастырылды.
⭐Оқу-далалық жиыны кезінде ер балалар әскери жетекші М.Намазгуловтың жетекшілігімен тактикалық дайындық, атыс дайындығы, жалпы әскери жарғылар, сапттық дайындық, әскери топография бойынша жаттығудан өтті.
⭐Қыз балалар мектеп медбикесі Г.Шаукенбаеваның жетекшілігімен медициналық білім негіздері бойынша дәріс тындады.

#физмат#тәрбие

⭐Ерекше сәт. Ерекше толқыныс. Жас түлектер үшін осыдан тура 10 күннен кейін соңғы қоңырау соғылады.

⭐Бұл күн – мектеп тарихында, бітіруші түлектердің есінде мәңгі өшпейтін күн. Өнері мен білімін өз бойларына өре білген еліміздің ертеңгі тізгінін қолға алар азаматтардың үлкен жолға қадам басар шағы. Болашаққа қанат қағатын бұл сәт – әрбір оқушы үшін ең бір қымбат, ең бір қимас күндер ретінде естерінде мәңгілік қалары сөзсіз.

⭐Түлектер үшін бүгіннен бастап "Аттандық бала шақтан - болашаққа!" атты онкүндігі басталды. Онкүндік жоспары бойынша түлектер осы күндерді ерекше көңіл күйде өткізеді, барлық шаралар түлектердің құрметіне арналады.

⭐Онкүндіктің бүгін ашылу салтанаты
шет елден білімін жетілдіріп келген түлегіміз - Қармыс Мұстафаны қарсы алумен басталды. Мұстафа АҚШ-тың Нью - Йорк штатындағы Сиракуз(syracuse) қаласында "FLEX" бағдарламасымен "Bishop Grimes high school" жоғарғы мектебінде білім алып, жобалар қорғады. Осындай түлегімізбен мақтанамыз!!!

⭐Сонымен қатар ұстаздар қауымы түлектерімізге ақ тілектерін арнап, кеуделеріне қоңыраулар тақты.

#физмат#тәрбие