Мектебімізде 3 желтоқсан – 9 желтоқсан аралығында «Мұғалімнің шеберлігі  - сапалы білімнің кепілі» атты мектепішілік әдістемелік апталық өткізілді. Мектепішілік әдістемелік апталықтың мақсаты: мұғалімдердің кәсіби шеберліктерін жоғарлата отырып, өзіндік ізденістерін арттыру. 4 желтоқсанда математика бірлестігінің жетекшісі Жанбуршина Қайнаргүлдің ұйымдастыруымен  «Математика саласындағы жетістіктер» атты ғылыми- танымдық фильм көрсетілді.Оқушылар видеоматериалдарды көріп,өздерінің алған әсерлерімен бөлісіп,қызығушылықтары жоғары екендігін көрсетті. 

Сыбайлас жемқорлыққа қарсы мәдениетті қалыптастыру мақсатында мектеп оқушылары арасында ұйымдастырылған облыстық сырттай «Жемқорлықсыз өмір» атты үздік бейнероликтер байқауына мектеп-интернат оқушылары қатысып, өз үлестерін қосты. 11 сынып оқушысы Орынбасар Амандық «Транспарентті мемлекетті қолдаймыз!» тақырыбында бейнероликтер байқауына қатысып, нәтижесінде Орынбасар Амандық ІІ дәрежелі Дипломмен және бағалы сыйлықпен марапатталды. Амандыққа шығармашылық табыстар тілейміз!

Аяуова Райса  Қосжанқызы- ұстаздық еңбегінде оқытудың заман талабына сай, жаңа технологиялық жүйесін жетік меңгеріп, оқушылардың санасына білімді жаңаша меңгертуге мақсат еткен үлгілі ұстаз. Өз ісіне берілген, жаңалықты жатсынбай қабылдайтын, ұлттық  қасиеттеріміздің  асылдарын асқақтата отырып, шәкірттеріне нұр құятын  ұстазды  ғана  бүгінгі  күннің   лайықты  тұлғасы  деуге  болады.

Ақтөбе облыстық мамандандырылған физика-математикалық мектеп-интернатының 7-9 сынып оқушылары өзін-өзі тану пәнінен «Мен - Қазақстан азаматымын» атты облыстық олимпиадаға қатысып, жоба қорғау нәтижесінде 7 сынып оқушысы Итемген Диас Русланұлы І орынға ие болып, республикалық олимпиадаға жолдама алды.