Құнары мол сусындаған бұлаққа,
Шәкірттері түскен талай сынаққа.
Жүлде алып әлемдік сан сайыста
Физматтың даңқы кеткен жыраққа-дегендей, мектеп-интернатымыз тағы мәрте биіктен көріне білді.  Мектеп-интернатымыз Қазақстан Республикасы Білім және ғылым министрлігі мен «Дарын» Республикалық ғылыми-практикалық орталығының ұйымдастыруымен «Үздік мамандандырылған білім беру ұйымы» республикалық конкурсына қатысты. Конкурс педагогикалық ұжымның шығармашылық қызметін дамыту, педагогикалық қызметкерлердің кәсіби шеберлігін көтеру, орта білім беру жүйесінде озық педагогикалық және басқару тәжірибесін тарату, инновациялық әзірлемелерді қолдау, білім беру жүйесінде инновацияны дамыту және білім беру саясатын жүзеге асыру мақсатында өткізілді.

Ақтөбеде 28-29 қыркүйек күндері «Рухани жаңғыру» бағдарламасын жүзеге асыру аясында «Туған жер» жобасы бойынша республикалық жерлестер форумы өткізілді. Оған әлемнің 20 мемлекетінде тұратын 300-ден астам ақтөбелік қатысты. Меймандар Қазақстанның және шет мемлекеттердің түрлі салаларында жоғары жетістікке жеткен атақты тұлғалар. Республикамыздың білім беру жүйесін дамытуға, сонымен  қатар, еліміздің көркеюіне мол үлесін қосқан басты тұлғалар бізде қонақта болды.

Ақтөбе облыстық мамандандырылған физика-математикалық мектеп-интернаты оқушыларының «Қазақстанның еңбек сіңірген қайраткері» , ҚР Парламент мәжілісінің депутаты Қуаныш Сұлтанұлы Сұлтановпен жүздесуі

Ақтөбе облыстық мамандандырылған физика-математикалық мектеп-интернатында «Жақсы кітап-жан азығы» тақырыбында кітап алмасу-буккросинг акциясының ашылуы 24 мамыр күні ұйымдастырылды. Акцияның мақсаты: оқушыларды әдеби кітап оқуға тәрбиелеу, білім сапасын және функционалдық сауаттылығын арттыру, жазғы каникул уақытында бос уақытын тиімді ұйымдастыру. Акция аясында жатақхана фоесінде көркем әдебиет туындылары жинақталған бұрыш, арнайы кітап сөрелері жасақталып, кітапханада кітап оқитын орындар ұйымдастырылды.