Тәрбие бөлімінің жылдық жоспарына сәйкес "Құқықтық сауаттылық заман талабы" тақырыбында 7-сыныпта сыныптан тыс шара өтті. Шараға заң саласының қызметкері Байменов Асылбек мырза келіп, оқушыларға  қазіргі заман талабына сай құқықтық тәрбие үдерісі, құқықтық сауаттылық жайлы ақпарат берді.

Ағымдағы жылдың 6 қазан күні Ақтөбе облыстық ғылыми-тәжірибелік орталығымен бірлесе "Математика, физика пәні мұғалімдерінің шығармашылық әлеуетін қалыптастыру" тақырыбында семинар-практикасы өтті.
Өзін-өзі басқару үкіметінің белсенді оқушылары Сыдыков Еркебұлан мен Меңдібаева Жібек семинарға қатысушыларға лицей-интернат туралы таныстырылым жасады. 11 кластың өнерлі оқушылары күмбірлеген күймен күтіп алды. Дарынды оқушылар ғылыми жобаларға дайындаған жұмыстарын көрсетті.

Ағымдағы жылдың 5 қазан күні лицей-интернат директоры Карагоз Енсегеновнаның қатысуымен Өзін-өзі басқару үкіметінің алғашқы отырысы өтті. Мектеп Парламентінің алғашқы отырысында қыркүйек айында өткен мектеп президенті сайлауы талқыланады. Сонымен қатар фракция жетекшілері тағайындалып, оларға міндеттері түсіндірілді. Мектеп президентін ұлықтау шарасының өткізілу жоспары құрылды. Отырыста сөз алған лицей-интернат директоры мектеп президентін сайлаудағы жеңісімен құттықтап, парламент мүшелерінің жұмыстарына сәттілік тіледі.