Психологиялық қызмет жаңалықтары

Ақтөбе облыстық мамандандырылған физика – математикалық мектеп – интернатында Педагогтердің кәсіби мерекесі қарсаңында жəне Қазақстан Республикасы Тәуелсіздігінің 30 жылдығы аясында ұстаздар арасында «Тимбилдинг» өткізілді. Мақсаты: салауатты өмір салтын насихаттай отырып, ұстаздар арасындағы достық қарым-қатынасты, ынтымақтастықты, өзара татулық пен бірлікті нығайту, рухани-мәдени құндылықтарын арттыру.

Ақтөбе облыстық мамандандырылған физика - математикалық мектеп - интернатында 27-30 қараша аралығында "Өзін-өзі тану жəне бақыт" фракциясының көшбасшылары Мұқанов Нұржан мен Саламатова Фарида, психолог Мейрамгул Кантарбаевна жəне педагог-ұйымдастырушы Гүлнар Жонысовнаның ұйымдастыруымен "Құпия дос" акциясы өтті.
"Құпия дос" акциясының шарты: ұжымдағы өзіңіздің құпия досыңызға өлең жолдары, сурет немесе қолөнер жəне тағы да басқа өз қолыңыздан туындаған немесе өзіңіздің көңіліңізге ерекше ұнайтын туындыларыңызды сыйға тарта аласыздар. Досыңыз сыйды сізден екенін білмеуі керек, жанында Сіз сияқты досы барын ішкі интуициямен табуы тиіс. Өз досыңызға əдемі жəне жарқын көңіл-күй сыйлауға шақырамыз!

Ақтөбе облыстық мамандандырылған физика-математикалық мектеп-интернатында "Сырғалым" қыздар клубының отырысы өтті.
6-11 сынып қыз балаларына "Сырғалым" қыз балалар клубының жұмыс жоспарын клуб жетекшісі Кенжеш Курметовна таныстырды жəне мұнда қыз бала гигиенасы туралы мəселе қозғалды, екінші бөлімде 7-11 сынып қыз балаларына "Қыз тəрбиесі-ұлт тəрбиесі" тақырыбында қыз баланың жеке тұлға болып қалыптасуын жетілдіру, жас жеткіншектер арасындағы ерте жүктіліктің алдын алу мəселелері айтылды.

«Калейдоскоп» психологиялық ойыны

Ақтөбе облыстық мамандандырылған физика – математикалық мектеп – интернатында 21 – ші қазанда 6 класс оқушыларына «Калейдоскоп» психологиялық ойын өтілді.
Мақсаты: эмоционалды интеллектіні, қарым – қатынасты дамыту, жағымды көңіл – күй сыйлау.
«Калейдоскоп» психологиялық ойынның өтілу ережесі мен тапсырмалары оқушыларға түсіндірілді.
Топтар ойын ережесіне сәйкес берілген тапсырмаларды бірлесіп, шығармашылықпен орындады және тапсырма орындау шеберліктеріне қарай топтар жұмысы ұпаймен бағаланды.
Ойын барысында оқушылар өзара жағымды қарым – қатынас жасай білді, көңіл – күйлері көтерілді.
Психологиялық ойынға оқушылар өте белсенділікпен, қызығушылықпен қатысты.