Сыбайлас жемқорлықтың алдын алу мақсатында жүргізілген ашық алаң

Салауатты әлеуметтік орта қалыптас­ты­руда сыбайлас жемқорлыққа қарсы үз­­діксіз білім беру мен жастардың бо­йында сыбайлас жемқорлыққа деген төз­б­еушілікке тәрбиелеудің маңызы зор. Олай болса, зама­­нымыздың ертеңін жасайтын жас ұрпақты білімді, саналы етіп тәрбиелеумен қатар, қазіргі қоғам дерті – сыбай­лас жемқорлықтан таза тұлғаларды қалыптастыру бүгінгі ұстаздардың басты назарындағы мін­дет­тер­дің бірі.

Осы міндетті алға тарта отырып, 2020 жылдың 22 қазан күні Ақтөбе облысындағы үш мамандандырылған мектеп-интернаттар, атап айтқанда, Ақтөбе облыстық мамандандырылған физика-математикалық мектеп-интернаты, Ақтөбе «Білім- инновация» лицей-интернаты және М.Құсайынов атындағы Ақтөбе облыстық дарынды балаларға арналған мамандандырылған мектеп-интернатының 10 сынып оқушыларымен ZOOM платформасы арқылы «Сыбайлас жемқорлыққа жол жоқ!» тақырыбында ашық алаң ұйымдастырылды. Ашық алаңның мақсаты: Қоғамда сыбайлас жемқорлықтың кез келген көріністеріне теріс қарым-қатынасты қалыптастыру, жастарды сыбайлас жемқорлыққа қарсы тәрбиелеу. Осы мәселеге қатысты креативті ойлайтын, білімді, өз пікірі мен нық ұстанымы бар тұлғаларды тәрбиелеу.Іс-шараны АОМФММИ-ның тәрбие ісі жөніндегі орынбасары Б.Б.Камбарова жүргізді.Оқушылармен сыбайлас жемқорлыққа қарсы іс-қимыл туралы заңнаманың жалпы  негіздеріне қатысты сұрақтар, сотта сыбайлас жемқорлыққа қарсы іс-қимылдар және сыбайлас жемқорлықпен байланысты әрекеттерді жасағаны үшін жауапкершілік туралы кеңінен талқыланды.Оқушылар өз ұстанымдары мен ой-пікірлерін ашық айта отырып, сыбайлас жемқорлықтың құқық бұзушылыққа әкеп соқтыратынын, сонымен қатар, жарқын болашағына оның кеселі зор екенін жеткізе білді.

 

Б.Б.Камбарова-директордың тәрбие ісі жөніндегі орынбасары

• Артқа
• Алға