Ақтөбе облыстық мамандандырылған физика-математикалық лицей-интернатында 2025 жылдың қыркүйек айының 18 жұлдызында жаңадан қабылданған 6 "А" класс оқушыларына арналған «Hello, жаңа әлем!» атты психологиялық тренинг өтті.
📝Тренинг мақсаты: оқушылардың бір-бірімен жақынырақ танысуына, өзара сенім мен достық қарым-қатынасты нығайтуына жағдай жасау.
❇️Тренинг барысында оқушылар түрлі қызықты ойын-жаттығуларға қатысты. «Айнадағы мен» ойынында әркім өзін жаңа қырынан таныстырса, «Энергия үштігі» сергіту сәтінде көңілдері көтеріліп, белсенділік танытты. Ал «Көңілді театр» ойыны шығармашылық қабілетті дамытуға бағытталып, оқушыларға күлкі мен қуаныш сыйлады. «Менің бойымдағы құнды қасиеттер» жаттығуы арқылы әр оқушы өз артықшылықтарын ашып көрсетіп, өзгелердің жақсы қасиеттерін аңғарды.
❇️ Жалпы тренинг оқушыларға көтеріңкі көңіл-күй сыйлады, жақсы атмосфера мен достықты орнатуға ықпал етті.
❇️Ұйымдастырушы: психолог М.Истигулова. Тренингке 6 "А" класс тәрбиешісі Г.Елманова қатысты.

• Артқа
• Алға