Ақтөбе облыстық мамандандырылған физика-математикалық лицей-интернатында 25-қазан Республика күніне орай Өзін-өзі басқару үкіметі “Мектеп Парламенті” Президентін Ұлықтау салтанатты жиыны өтті.
Салтанатты жиында лицей-интернат директоры Қаракөз Енсегеновна өзін-өзі басқару үкіметінің мүшелерін тағайындап, олардың жұмыстарына сәттілік тіледі. Сонымен қатар 2021-2022 оқу жылында Мектеп Парламентінің құрамында болған белсенді оқушыларды алғыс хатпен марапаттады.
Ұлықтау шарасы кезінде экс-президенттер Сансызбаев Мержан мен Акимгереева Шадияра мектептің туын жаңа президент Әбдрашит Ерсұлтан мен премьер-министр Меңдібаева Жібекке салтанатты түрде табыстады.

Арыстандай айбатты,
Жолбарыстай қайратты –
Қырандай күштi қанатты.
Мен жастарға сенемiн!
Көздерiнде от ойнар,
Сөздерiнде жалын бар,
Жаннан қымбат оларға ар,
Мен жастарға сенемiн! - деп Мағжан ақын жырлағандай бізде белсенді оқушыларымыздың лицей-интернаттың дамуына үлестерін қосарларына зор сенім артамыз!

• Артқа
• Алға